Thursday, July 9, 2015


லக்னம் : துலாம்
ராசி : கடகம்
நட்சத்திரம் : பூசம் 3ம் பாதம்.

திருமண கொடுப்பினைக்கு உண்டான முக்கிய பாவகம் 7. துணை பாவகங்கள் 2,5,11 (3,8,). எதிரான பாவகங்கள் 1,4,6,10,12.

ஒரு செயலுகுண்டான கொடுப்பினை:
  1. ஒரு செயலுகுண்டான முதன்மையான பாவ ஆரம்ப முனையின் உப அதிபதி அந்த செயலுகுண்டான சாதகமான பாவங்களுடன் தொடர்பு கொண்டால் அந்த செயல் நடைபெறும்.
  2. சாதகமில்லா பாவங்களுக்கு மட்டும் தொடர்பு கொண்டால் , அந்த செயல் நடைபெறாது
  3. சாதகமான மற்றும் சாதகமில்லா பாவங்களை தொடர்பு கொண்டால் , தடையும், தாமதமும் ஏற்பட்டு அந்த செயல் நடைபெறும் அல்லது அல்லது செயல் நடைபெற்ற பின்னர் பாதகமான நிகழ்வுகளும் நடைபெறும்.
7ம் பாவகத்தை ஆளும் கிரகங்கள் : செவ்வாய், சுக்கிரன், சூரியன்

7ம் பாவ அதிபதி செவ்வாய்.
  • 2,7 க்குடைய செவ்வாய் 6ல்.
  • (இங்கு ஒரு விஷயத்தை கவனிக்க வேண்டும். மேலோட்டமாக பார்க்கும்போது செவ்வாய் 7ல் இருப்பது போல் தெரியும். ஆனால் டிகிரி சுத்தமாக ஆராயும்போது செவ்வாய் 2 டிகிரி 35 நிமிடத்தில் மேஷ ராசியில் இருக்கிரார். ஆனால் மேஷ ராசியில் விழும் 7ம் பாவகம் 15 டிகிரி 40 நிமிடத்தில் தான் ஆரம்பிக்கிறது. எனவே செவ்வாய் 6ல் இருப்பது உறுதியாகிறது.)
  • 7ல் யாருமில்லை.
  • செவ்வாயின் நட்சத்திரத்தில் யாருமில்லை. எனவே செவ்வாய் வலிமையாகிரார்.
  • செவ்வாய் புதனை நேரடி பார்வை. புதனின் நட்சத்திரத்தில் யாருமில்லை. புதனும் வலிமை.
  • செவ்வாய் கேதுவின் சாரத்தில். கேது 8ல் புதன் வீட்டில். கேது ராகுவின் சாரத்தில். ராகுவே உப அதிபதியும்.
  • 2ல் ராகு. ராகு கேதுவின் சாரத்தில். ராகுவே உப அதிபதியும்.
  • எனவே கேது வலிமையாகிரார். செவ்வாயின் வேலையை செய்வார்.
7ம் பாவ நட்சத்திர அதிபதி சுக்கிரன்.
  1. 1,8 க்குடைய சுக்கிரன் 3ல். சுக்கிரனின் சாரத்திலே. சனி, கேதுவின் பார்வை. சுக்கிரன் வலிமை ஆனால் சாதகமில்லா பாவங்களுடன் தொடர்பு.
  2. உப அதிபதி சந்திரன். 10க்குடையவர் 9ல்.
  3. 3ம் இடத்திலுள்ள 3,6க்குடைய குருவை பார்க்கிறார்.
7ம் பாவ உப நட்சத்திர அதிபதி சூரியன். (கொடுப்பினையை முடிவு செய்பவர்)
  1. 11க்குடையவர் 1ல். 2,7 க்குடைய செவ்வாய் பார்வை.
  2. சூரியன், 3,6க்குடைய குருவின் சாரத்தில். 3ல் குரு.
  3. உப அதிபதி சந்திரன். 10க்குடையவர் 9ல். 
  4. சாதகமான மற்றும் சாதகமில்லா பாவங்களை சூரியன் தொடர்பு கொள்கிறார். எனவே தடை மற்றும் தாமதமான திருமணம்.
எப்போது திருமணம்?

கேது மிக வலிமையாக உள்ளதால் கேது தசையில் உறுதியாக நடந்துவிடும். 

ஏன் குரு புக்தியில் நடைபெறவில்லை?
3,6க்குடைய குரு 3ல். 3ல் இருந்தாலும் 4ம் பாவத்திற்கு மிக மிக அருகில். 4ம் பாவ வேலையையும் செய்வார். 10க்குடைய சந்திரனின் நட்சத்திரத்தில். அந்த சந்திரன் 9ல் இருந்தாலும் 10ம் பாவத்திற்கு மிக மிக அருகில். 10ம் பாவ வேலையையும் செய்வார். சந்திரனின் பார்வை வேறு. 2ம் பாவத்தில் இருக்கும் ராகு, குருவின் உப அதிபதி. ராகு 8ல் இருக்கும் கேதுவின் நட்சத்திரத்தில் போகிறார். ராகுவே உப அதிபதி. 2ம் பாவம் இவ்வாறு பலவீனமாக சம்பந்தப்படுகிறது. 4,6,10 போன்ற பாவகங்களோடு வலிமையாக சம்பந்தப்படும் குரு அதன் சொந்த புக்தியில் நடத்தி வைக்க முடியாமல் இருக்கிறார்.

ஏன் சனி புக்தியில் நடைபெறவில்லை?
4,5க்குடைய சனி 8ல். ராகுவின் சாரத்தில். சனியே உப அதிபதியும்.
ராகு 2ல். 3,6க்குடைய குருவின் வீட்டில். குருவின் வேலையை செய்வார். மேலும் குரு 10க்குடைய சந்திரனின் நட்சத்திரத்தில். அந்த சந்திரன் 9ல் இருந்தாலும் 10ம் பாவத்திற்கு மிக மிக அருகில். 10ம் பாவ வேலையையும் செய்வார். சந்திரனின் பார்வை வேறு. 2ம் பாவம் காட்டினாலும் 4,6,10 வலிமையாக வருகிறது.
சனியே உப அதிபதியாக வருவதால் மறுபடி இந்த 4,6,10 வலிமையாக வருகிறது.
எனவே சனி அதன் சொந்த புக்தியில் நடத்தி வைக்க முடியாமல் இருக்கிறார்.

ஏன் புதன் புக்தியில் நடைபெற்றது?
  • 9,12க்குடைய புதன் லக்கினத்தில். ராகுவின் சாரத்தில். சந்திரன் உப அதிபதி.
  • புதனின் நட்சத்திரத்தில் வேறு கிரகங்கள் இல்லை. எனவே வலிமையான புதன்.
  • 2,7க்குடைய செவ்வாயின் நேரடி பார்வை. செவ்வாயின் நட்சத்திரத்திலும் வேறு கிரகங்கள் இல்லை. (வலிமையான புதனின் பார்வை வேறு) எனவே புதன் இன்னும் வலிமையாகிறார்.
  • 2ல் இருக்கும் ராகுவின் சாரத்தில் புதன். 3,6க்குடைய குருவின் வீட்டில். குருவின் வேலையை செய்வார். மேலே பார்த்ததுபோல் 4,6,10 வருகிறது. இருந்தாலும் 2,7க்குடைய வலிமையான செவ்வாய் பார்வை இருப்பதால் 4,6,10ன் வலிமை குறைகிறது.
  • மேலும் 9,10க்குடைய சந்திரன் உப அதிபதி. இந்த சந்திரன் மீது 2,7க்குடைய வலிமையான செவ்வாய் பார்வை. 
  • இங்கு 2,7 க்குடைய செவ்வாய் தனது ஆதிக்கத்தை தனது பார்வை மூலம் நிர்ணயிக்கிறார். தான் செய்ய வேண்டிய வேலையை தன் பார்வை மூலம் புதனை செய்யவைக்கிறார்.
  • நாம் மேலே பார்த்ததுபோல் புதன் வலிமையானவர். அவரின் நட்சத்திரத்தில் வேறு யாருமில்லை. மேலும் வலிமையான செவ்வாய் பார்வை வேறு. புதன் 2ம் இடத்தின் வலிமையான குறிகாட்டி. எனவே புதன் திருமணம் நடத்தி வைப்பார்.
திருமணம் நடந்தது - 6.6.2002
  • கேது தசை
  • புதன் புக்தி
  • குரு அந்தரம்
கேது தசை 19.8.1995 முதல் 19.8.2002 வரை.
புதன் புக்தி 23.8.2001 முதல் 19.8.2002 வரை.

Tagged: ,

3 comments:

  1. சனியும், புதனும் ராகுவின் சாரத்தில் இருந்தாலும் சனி ஏன் கொடுக்கவில்லை? புதன் ஏன் கொடுத்தார் என்றால்......ஒரெ ஒரு வித்தியாசம் தான். சனிக்கு வலிமையான செவ்வாய் பார்வை இல்லை. புதனுக்கு உண்டு. இங்கு 2,7 க்குடைய செவ்வாய் தனது ஆதிக்கத்தை தனது பார்வை மூலம் நிர்ணயிக்கிறார். தான் செய்ய வேண்டிய வேலையை தன் பார்வை மூலம் புதனை செய்யவைக்கிறார்.

    ReplyDelete
  2. மேலும் புதனின் உப அதிபதியான சந்திரனுக்கும் செவ்வாய் பார்வை.

    ReplyDelete
  3. புதனும் 7ம் வீட்டையும் பார்கிறார், 7ம் அதிபதியை பார்கிறார் !

    ReplyDelete